ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត ជំរុញឲ្យមានការចូលរួមធ្វើយ៉ាងណាធានានៅភាពត្រឹមត្រូវសុក្រឹតភាពនៃការធានាប្រឡងការជ្រើសរើសមន្ត្រី។
ថ្លែងនៅក្នុងពិធីបិទវគ្កឆ្នាំ២០២៣ និងបើកវគ្គបណ្ដុះបណ្ដាលឆ្នាំ២០២៤ នៃសាលាភូមិន្ទរដ្ឋបាល សម្ដេចធិបតី ហ៊ុន ម៉ាណែត ថាការប្រឡងបច្ចុប្បន្នគឺអ្នកចេះត្រូវជាប់ ដូច្នេះហើយសម្ដេចបានជំរុញទៅដល់ក្រុមគ្រួសារនិងអ្នកពាក់ព័ន្ធទាំងអស់ត្រូវតែចូលរួមធ្វើយ៉ាងណាធានានៅភាពត្រឹមត្រូវនៃការប្រឡងមន្ត្រី។
សម្ដេចថា៖ «មិនត្រូវវិនិយោគរត់រកខ្សែ វិនិយោគដោយថវិកាដើម្បីសុំគេនោះទេ! ត្រូវតែខិតខំប្រឹងប្រែងដើម្បីធានាបាន ហើយត្រូវខិតខំប្រឹងប្រែងធានានូវសុក្រឹតភាព និងភាពត្រឹមត្រូវនូវកិច្ចប្រឡងនេះ»។
ជាមួយគ្នានេះសម្ដេចជំរុញឲ្យមានការជ្រើសរើសឲ្យចំជំនាញក្នុងការប្រឡងឬមន្ត្រីផងដែរ។
សម្ដេចបានកត់សម្គាល់ថាពីប្រសិទ្ធភាពចាប់តាំងពីអនុវត្តនូវវិធានការថ្មីដោយបានកត់សម្គាល់ថាមានសិស្សដាក់ពាក្យប្រលងកើនឡើងច្រើនតែពុំមានការតវ៉ាចំពោះការប្រឡងនោះទេ៕
